【快閃新加坡注意事項】📢早前政府宣佈正式推行「航空旅遊氣泡」計劃，而國泰航空嘅專屬航班首航會喺11月22日出發！🛫小編收到唔少Fans inbox查詢出發新加坡嘅航班資訊，一於整理咗以下三大問題同大家分享下！
1⃣問：邊到可以預訂到專屬航班往返新加坡？
🗨答：大家可以透過國泰航空網站預訂。✈國泰係唯一一間香港本地航空公司提供專屬航班，將於11月22日(首航)起，於指定日子營運一班專屬航班，期後會逐步增加班次。留意返，11月22日至12月31日期間，CX759同CX734航班為往返香港及新加坡嘅指定航班，官網預訂嘅時候會見到航班標明「旅遊氣泡」字眼。🔍
大家可以上國泰航空網站了解更多：https://bit.ly/36HEVTp
2⃣問：乘坐國泰專屬航班會有咩特別安排？(例如：登機、座位、餐飲等)
🗨答：喺香港機場乘坐國泰專屬航班將會安排零接觸辦理登機手續。而每班機限200名乘客，並將調整座位編排同餐飲服務，減少機組人員同乘客接觸。✋
航空公司亦要求所有人喺整個航程都必須佩戴口罩以及要求乘客盡量留喺座位上！而國泰航空亦會為機艙服務員提供口罩、手套及護目鏡。詳情：https://bit.ly/2UxWShz
3⃣問：如果旅遊氣泡計劃中止，可唔可以退款？旅行期間暫停又會有咩安排？
🗨答：國泰「自由自在放心飛 – 無限次更改機票」政策同樣適用於「旅遊氣泡」專屬航班，如果計劃中止，喺2020年12月31日前購買嘅所有新機票，同樣可以喺一年內免手續費兼無限次更改行程。留意更改手續必須於出發前完成。詳情：https://bit.ly/2IyqitJ
旅行期間暫停嘅話，旅客會被重新分配到非航空旅遊氣泡嘅航班上，確保可以順利回港，不過就要接受返正常嘅檢疫程序啦！
更多資訊可以上國泰航空網站嘅Q&A睇睇：https://bit.ly/36HEVTp
Search